Регби бўйича Ўзбекистон эркаклар терма жамоаси Ҳиндистонга қарши икки ўйин натижасига кўра Осиёнинг учинчи дивизиони ғолиби деб топилди ҳамда 2-дивизион йўлланмасини қўлга киритди. Бу ҳақда «Gazeta.uz» хабар қилмоқда.
Ўйинлар 27 ва 30 май кунлари Тошкент вилояти Юқори Чирчиқ туманидаги «Дўстлик» стадионида бўлиб ўтди. Биринчи ўйин 31:8 ҳисобида ҳиндистонликларнинг ғалабаси билан якун топганди, иккинчи беллашувда Ўзбекистон 32:15 ҳисобида рақибидан устун келди.
Осиё чемпионати 5 та дивизиондан ташкил топган. Учинчи босқичнинг ўзи Шарқий, Жануби-Марказий ва Ғарбий дивизионлардан ташкил топганди.
Жануби-Марказий дивизиони ўйинларида Ҳиндистон, Покистон ва Ўзбекистон тўқнаш келиши керак эди. Покистон мусобақаларда иштирок эта олмаганлиги туфайли Ҳиндистон ва Ўзбекистон ўртасида иккита ўйин ўтказишга келишиб олинганди.
Изоҳ (0)