Остонадаги мактаб олдида ўқитувчига бензин сепиб, ёқиб юборишди

26 май куни Остонада мудҳиш ҳодиса содир бўлди. Эркак киши 25-мактабда дарс берувчи ўқитувчини ёқиб юборди, деб хабар қилади «Nur.kz».

«Мен аёлнинг олов ичида югураётгани кўрдим, у ‘Ёрдам беринглар!’, деб бақирарди. Бу даҳшат. Мен ёш бола билан унга қарши томондан келаётгандим. Машиналар тўхташни бошлади ва оловни ўчиришди. Кўрганларимдан ҳалигача қўлларим титрамоқда», — деди воқеа гувоҳларидан бири.

Эркакнинг шахси тасдиқланди. Бу ишни илгари полицияда ишлаган жабрланувчининг собиқ эри содир этган экан. Суд қарорига кўра, унинг ўқитувчига яқинлашиши тақиқланган эди.

Тасдиқланмаган маълумотларга кўра, аёл терисининг 60 фоиздан ортиғи куйиб кетган.

Ҳуқуқ-тартибот органлари ушбу воқеа юзасидан суриштирув ишларини бошлаб юборди.