Мексикада содир бўлган кучли торнадо оқибатида 13 киши ҳалок бўлди, 200 нафардан ортиқ киши жароҳат олди, деб хабар бермоқда «Ведомости».
Сьюдад-Акунья шаҳридаги юзлаб уйларга жиддий зарар етган. Шаҳарда фавқулодда ҳолат эълон қилинган. Ҳодиса оқибатларини бартараф этиш бўйича тезкор штаб ташкил этилган.
Мексикадаги торнадо қўшни АҚШнинг Техас штатида ўта кучли жалага сабаб бўлган бўрон туфайли содир бўлган. Техасда кучли ёмғирлар келтириб чиқарган сув тошқини оқибатида камида тўрт киши ҳалок бўлгани айтилган.
Изоҳ (0)