АҚШ маъмурияти Миср суди мамлакатнинг собиқ президенти Муҳаммад Мурсийга нисбатан ўлим жазосини қўллаш ҳақида ҳукм чиқаргани юзасидан «чуқур хавотирда» эканлигини маълум қилди. Бу ҳақда Kommersant.ru хабар бермоқда.
Эслатиб ўтамиз, қамоқхонадан оммавий қочиш, давлатга хиёнат ва хорижий мамлакат фойдасига жосуслик қилиш бўйича жиноят ишларини кўриб чиққан Миср суди Муҳаммад Мурсий ва «Мусулмон биродарлар» ташкилотининг 100дан ортиқ аъзосини ўлимга ҳукм қилганди.
«Биз Миср қабул қилган халқаро мажбуриятларга ва қонунчиликка зид бўлган оммавий суд ва ҳукм ўқиш амалиётларига қарши эканлигимизни яна бир бор такрорлаймиз», - деди АҚШ Давлат департаменти вакили.
Изоҳ (0)