2015 йил 19—21 май кунлари «Ўзэкспомарказ»нинг кўргазмалар залида VIII Инновацион ғоялар, технологиялар ва лойиҳалар Республика ярмаркаси ўтказилади, деб хабар беради UzDaily.
Ярмаркада 100 дан ортиқ илмий ташкилотларнинг саноат, қишлоқ хўжалиги, соғлиқни сақлаш ва фармацевтика, ахборот технологиялари, фан ва таълим, юқори технологиялар, қувват тежовчи технологиялар соҳаларидаги инновацион маҳсулотлари ҳамда ёш тадқиқотчиларнинг ишланмалари намойиш этилади.
Шу билан бирга, VIII ярмарка доирасида биринчи марта Тошкент халқаро инновацион форуми ўтказилади. Унда чет давлатларининг етакчи илмий ташкилотлари, мамлакатимизнинг юқори салоҳиятли таълим ва илмий тадқиқот марказлари ҳамда ижодий ва инновацион фаолият билан фаол шуғулланадиган ёш олимлар қатнашади.
Изоҳ (0)