Непалда 25 апрель куни рўй берган 7,9 магнитудали вайронкор зилзиладан сўнг қидирув-қутқарув ишлари давом этмоқда. «Сегодня.ua»нинг хабар беришича, мамлакат ҳукумати ҳодиса натижасида 6 мингдан ортиқ одам ҳалок бўлгани, 14 минг киши тан жароҳати олганини тасдиқлади.
Мамлакатнинг қарийб бир ярим миллион аҳолиси озиқ-овқатга эҳтиёж сезмоқда. Умуман, табиий офат 8 миллион кишининг турмушига таъсир қилган.
Қайд этишларича, кўплаб непалликлар чодир ва қўлбола иншоотларда истиқомат қилаётган бир вақтда бадавлат сайёҳлар кўплаб хоналари бўш ётган ҳашаматли меҳмонхоналарда яшамоқда.
Меҳмонхоналардан бирининг нуқтаи назари ижтимоий тармоқлардаги кескин танқидларга сабаб бўлди. Маълум бўлишича, меҳмонхона 15 гектар ер ва 280та хонага эга, бироқ жабрланувчиларга ёрдам беришни хоҳламаяпти.
Меҳмонхона ходимларининг қайд этишларича, мажмуа жойлашган ҳудуд – шахсий ерлардир, бироқ улар фуқароларнинг бу ерга киришига қаршилик кўрсатаётганлари йўқ.
Изоҳ (0)