Қозоғистонлик аёл икки қизини бўйинбоғ билан бўғиб ўлдирди

Қозоғистоннинг Сариағаш шаҳрида ёш аёл ўзининг икки нафар қизини бўйинбоғ ёрдамида совуққонлик билан бўғиб ўлдирди, деб хабар қилади «Newskaz.ru».

«Шафқатсиз қотиллик Жанубий Қозоғистоннинг Сариағаш аҳолисини оёққа турғазди. Ёш аёл совуққонлик билан ўзининг ёш қизларини нобуд қилди. Улардан бири 9, иккинчиси 11 ёшда эди. Қотил онани қўлга олишди, унинг яна бир ўғли бор», — дейилади «КТК» телеканалининг эълонида.

ОАВлар хабарига кўра, болаларнинг отаси етти йил олдин оламдан ўтган. Ўшандан буён ёлғиз она қандолатчилик орқасидан зўрға кун кўрган.

«Қўшниларнинг сўзларига кўра, оиланинг қарзлари бўлган. Кечқурун аёл полициячиларга қай тариқа қизларини ўлдирганини сўзлаб бераётганида, қўшнилар унинг бундай ҳаётдан тўйгани ҳақида айтган гапларини эшитган. 33 ёшли Феруза ҳақида қўшнилар кўп гап айтмади. Фақатгина у ҳеч ким билан дўстлашмаслиги, шу билан бирга жанжаллашмаслигини ҳам таъкидлади. У қаттиққўл она бўлган экан», — дейилади телеканал хабарида.

Тахминларга кўра, она ўз қизларини бўйинбоғ билан бўғган. Полиция бошқа тафсилотларни ошкор қилмаяпти. Фақатгина аёлнинг қўлга олингани маълум. Тўнғич қизидан ташқари аёлнинг тўққизинчи синфда ўқийдиган ўғли ҳам бор. У уйда бўлган ҳодисаларни биринчи бўлиб кўрган. Ўсмир ҳозирда қариндошлари билан яшамоқда. У билан руҳшунослар иш олиб бормоқда.