Тошкентлик қўшиқчи Сардор Милано «Главная сцена» лойиҳасининг иккинчи ярим финалида саҳнага чиқади

Тошкентлик қўшиқчи Сардор Милано (Сардор Эшмуҳаммедов) «Россия-1» канали ташкил этган «Главная сцена» («Асосий саҳна») лойиҳасининг иккинчи ярим финалида яна саҳнага чиқади. Бу ҳақда қўшиқчи ижтимоий тармоқдаги саҳифасида маълум қилди.

Сардор барча мухлисларини кўрсатувни томоша қилишга ва саҳнадаги ҳиссиётларни биргаликда бошдан кечиришга чақирди.

«Главная сцена»нинг бугунги сони «Россия-1» телеканалида 21:00 да бошланади.

Таъкидлаш жоиз, лойиҳада Сардорга россиялик таниқли мусиқий продюсер Константин Меладзе устозлик қилмоқда.

Сардор Миланонинг ижод йўли Тошкентдаги «Оловуддин» болалар студиясидан бошланган. Шундан сўнг у классик фортепиано синфи бўйича театр коллежида, 2010 йилдан бошлаб эса Москва мусиқий билим юртида ўқиди.

Сардор бунгача ҳам кўплаб халқаро танловларда иштирок этган. Хусусан, «Новая волна — 2011» саралаш босқичида ярим финалчи, «Евровидение — 2012» танлови саралаш босқичида эса финалчи бўлган.