Марокконинг Касабланка шаҳридаги аэропорт хавфсизлик хизмати Истанбул—Сан-Паулу йўналиши бўйича парвоз қилаётган Turkish Airlines самолёти бортида ҳеч қандай бомба ёки портловчи моддани топа олмади. Бу ҳақда «Коммерсант» хабар берди.
Аввалроқ Turkish Airlines авиакомпанияси самолёти бортида бомба портлаши хавфи туфайли шошилинч равишда қўнгани хабар берилган эди. Turkish Airlines матбуот хизмати хабарига кўра, лайнер ҳожатхонасида «бомба» сўзли мактуб топилган, шундан сўнг экипаж бортда фавқулодда вазият юзага келгани учун шошилинч равишда қўниш ҳақида эълон қилган. Самолёт Марокконинг Касабланка шаҳрига қўнган.
Изоҳ (0)