Ўзбекистон Республикаси Вазирлар Маҳкамаси Гидрометеорология хизмати маркази маълумотига кўра, шу кунларда Ўзбекистонда кузатилаётган қорли ва совуқ ҳаво ҳарорати ҳафта охиригача кўтарилиши кутилмоқда.
Жумладан, 1−2 апрель кунлари Қорақалпоғистон Республикаси, Хоразм, Бухоро, Навоий, Самарқанд, Жиззах, Сирдарё ва Тошкент вилоятларида кечаси 0−5° илиқ, баъзи жойларда 2° совуқгача, кундузи 5−10° илиқ, Қашқадарё ва Сурхондарё вилоятларида кечаси 3−8° илиқ, кундузи 7−12° илиқ (2 апрелда 15−20° илиқ), Андижон, Наманган ва Фарғона вилоятларида кечаси 2° совуқ − 3° илиқ, кундузи 3−8° илиқ бўлади. Баъзи жойларда ёмғир ёғади.
3−5 апрель кунлари Қорақалпоғистон Республикаси, Хоразм, Бухоро, Навоий, Самарқанд, Жиззах, Сирдарё ва Тошкент вилоятларида кечаси 3−8° илиқ, кундузи 13−20° илиқ, Қашқадарё ва Сурхондаё вилоятларида кечаси 6-11° илиқ, кундузи 18-23° илиқ, Фарғона водийсида кечаси 3−8° илиқ, кундузи 13−18° илиқ бўлади.
Республиканинг тоғли ҳудудларида 2−4 апрелда вақти-вақти билан ёғингарчилик (ёмғир, қор) бўлади, 5 апрелда ёғингарчилик кутилмайди. Қор кўчиши хавфи бор. Баъзи жойларга туман тушиши мумкин. Ғарбий шамол йўналишини ўзгартириб, шарқдан 7−12 м/с тезликда эсади, 2 апрелда баъзи жойларда 15−20 м/с гача кучайиши мумкин. Ҳарорат 2 апрелда кечаси 0−5° совуқ, кундузи 2−7° илиқ бўлади, 3−5 апрелда кечаси 2° совуқ − 3° илиқгача, кундузи 5−10° илиқгача кўтарилади.
Изоҳ (0)