Apple ўз рақиблари смартфонлари учун қанча тўлаши маълум бўлди

Аввал хабар берганимиздек, Американинг Apple компанияси Trade-in дастури бўйича бошқа ишлаб чиқарувчиларнинг девайсларини қабул қилишни бошлади.

Ушбу дастур янги гаджет нархининг бир қисми аввал ишлатилган қурилма ҳисобидан қопланишини назарда тутади. Компания маълум нархдаги девайслар ўрнига iOS-қурилмалар сотиб олиш учун совға сертификатларини тақдим этади.

Mail.ru хабар беришича, дастур АҚШ, Франция, Буюк Британия, Германия, Канада ва Италияда амал қилади. Айни пайтда дастурда Samsung, Sony, HTC, Nokia, LG ва Blackberry’нинг баъзи смартфонлари иштирок этиши мумкин.

Буюк Британияда iPhone 5s учун компания 170 фунт, Samsung Galaxy Note 4 учун 198 фунт, Galaxy S5 учун 144 фунт тўлашга тайёр.

Sony Xperia Z3, HTC One (M8) ва LG G3 Dual-LTE компания томонидан 136, 135 ва 121 фунтга баҳоланади.

Lumia 930 77 фунт, Lumia 1520 планшетофони 80 фунт, Lumia 1020 54 фунт тежаш имконини беради.