Facebook’даги гуруҳлардан бири аъзоси Тошкентдаги кўп қаватли уйлардан бири ёнида тўхтаб турган автомобиллар суратларини эълон қилди. Унда подъездга кириш йўлагига иккиталаб машиналар қўйилгани, одамлар ўтиши учун кичиккина йўл қолдирилганини кўриш мумкин.
«Маҳаллий вақтичоғлик — ‘подъездга кириб ол!’ деб номланади», — дея қайд этди муаллиф.
Постга фикр билдирганларнинг кўпчилиги коляскалар ва кексалар ўтиши учун етарли жой қолдирмагани учун бу ҳайдовчиларни танқид қилди. «Подъездга кириш йўлагидан машинани вақтинчалик қўйиб, бирор нарсани тушириш ёки ортиш учун фойдаланиш мумкин, уни доимий тўхтатиб қўйиш учун эмас», — дея қайд этди улардан бири.
Баъзи фойдаланувчилар эса автомобилчиларнинг бундай «қилмиши»га сабаб борлиги, кўп қаватли уйлар атрофида автомобилни қўйиш учун махсус майдонлар йўқлигини таъкидлади. Унга жавобан гуруҳнинг ўша уй яқинида яшовчи аъзоси айнан шу уйдан 10 метрча нарида бундай майдон борлигини айтди.
Изоҳ (0)