Ўзбекистонда Ягона интерактив давлат хизматлари портали орқали тадбиркорлик субъектларини 5 соатда рўйхатдан ўтказиш имконини берувчи осонлаштирилган тизим ишлаб чиқилмоқда, деб хабар берди Uzbekistan Today.
Интерактив тизим тадбиркорлик субъектларини рўйхатдан ўтказиш жараёнига алоқадор бўлган барча муассасаларни бир-бири билан боғлайди. Унинг энг ижобий томони – энг қисқа муддатлар ичида давлат рўйхатидан ўтиш имкониятидир. Ҳозирда бу жараён 2 кунга яқин вақтни олади, янги тизим билан эса ушбу вақт 4−5 соатгача қисқаради. Жараён кечикишига ягона сабаб фирма номини бронлаш бўлиши мумкин.
Тизимни ишлаб чиқиш ўзининг якуний босқичида турибди. Маълумот узатишни умумлаштириш учун тегишли муассасалар билан алоқаларни ташкиллаштириш бўйича ишлар олиб борилмоқда. Қайд этилишича, тизимни алдаб бўлмайди, чунки у барча маълумотларни ягона тармоқ бўйича автоматик тарзда текширади.
Тизимни бутунлай мослаштириш учун яна 6 ой вақт талаб этилади ва ёзга бориб у барча талабларга мувофиқ ҳолга келтирилади.
Изоҳ (0)