19 март куни Тошкент шаҳри Юнусобод туманидаги Discovery дўконида Муниса Ризаеванинг янги альбомлари — қўшиқлар ва концерт дастури диски тақдимоти бўлиб ўтди, деб ёзади «Sayyod.com». Унда хонанда ўз мухлислари ҳамда журналистлар саволларига жавоб берди.
Муниса Ризаева саволларга жавоб берар экан, ўзини ҳеч қачон «пиар» қилмаслиги, уни бунда бекорга айблашларини айтди.
«Яқинда ‘Шадози’ тўй либослари дўкони юзи сифатида рекламаларда пайдо бўлдим, бироқ буни кўпчилик нотўғри тушуниб, мени тўйи бўлдига чиқаришди», — деди хонанда.
Муниса энди Pepsi брендининг Ўзбекистондаги юзига айланиши, бу борада компания билан шартнома тузганини қайд этди. «Бу сафар ҳам мен ҳақимда Pepsi билан боғлиқ миш-мишлар чиқмаслиги учун олдиндан огоҳлантириб қўймоқдаман: энди мени Pepsi реклама баннерларида ҳам кўрасиз, мен бу компаниянинг юзига айланаман», — дея таъкидлади у.
Изоҳ (0)