УЕФА Чемпионлар лигаси чорак финали жуфтликларини қуръадан олдин Twitter’да эълон қилиб юборди

Европа Чемпионлар лигасининг Twitter’даги расмий саҳифаси бугун, 20 март куни Тошкент вақти билан соат 16:00 да бўладиган чорак финал қуръаси натижаларини 18 март куни эълон қилиб юборди, деб хабар бермоқда Франциянинг «L’Equipe» нашри.

Твит бир неча сониягина ижтимоий тармоқда турган, бироқ кўплаб фойдаланувчилар уни кўришга ва ҳаттоки скриншот олишга улгурган. Унда «Бавария» − «Атлетико», «ПСЖ» − «Реал», «Порту» − «Ювентус» ва «Барселона» − «Монако» жуфтликлари чорак финалда беллашиши акс этган.

https://twitter.com/Simon_Rowntree/status/578328609485635584

Эслатиб ўтамиз, 2014/2015 йилги Европа Чемпионлар лигасининг чорак финал босқичига қуръа ташлаш маросими 20 март куни Тошкент вақти билан соат 16:00 да бошланади ва расмий натижалар шундан кейингина эълон қилинади.