«Ўзбекнаво» эстрада бирлашмаси хонанда Лола (Йўлдошева)нинг «миллий менталилетимизга зид» либосда концертда чиқиш қилгани юзасидан Facebook фойдаланувчилари йўллаган шикоят хатини кўриб чиқди, деб хабар беради «Kun.uz».
Аввалроқ, хонанда Лола Райҳон Ғаниеванинг концертида кийиб чиққан либоси ижтимоий тармоқларда фаол муҳокамаларга сабаб бўлган, бир гуруҳ фойдаланувчилар уни қўллаган бўлса, бошқалар уни танқид қилиб чиққанди.
«Ушбу ҳолат юзасидан хонанда Лола Йўлдошева ‘Ўзбекнаво’ эстрада бирлашмасига таклиф этилиб, Райҳон Ғаниева концертида кийиб чиққан либоси миллий менталитетимизга зидлиги ҳақида санъаткорга тушунтирилди ва ундан тушунтириш хати олинди», – дейилади «Ўзбекнаво» жавобида.
Ташкилотнинг жавобида қўшимча қилинишича, Лола «келгусида бундай ҳолатлар қайтарилмаслигига ваъда берган».
«Келгусида бундай ҳолатларнинг олдини олиш мақсадида барча хонандалар концерт ўтказишдан аввал махсус эксперт гуруҳи вакиллари томонидан жиддий огоҳлантирилиб, саҳнага чиқадиган ҳар бир иштирокчининг либоси-ю, ўзини тутишигача муҳокама этилиб борилади», – дейилади «Ўзбекнаво»нинг жавобида.
Изоҳ (0)