Дунёдаги энг қўрқинчли ўрмонлар (фото)

Кўпинча ўрмонлар сирли ва даҳшатли бўлиб туюлади. Жаҳон халқлари оғзаки ижодида қаҳрамонлар турли балоларга айнан ўрмонларда йўлиқиши ҳақидаги ҳикоялар кўплиги бежизга эмас. «Моя планета» турли жиҳатлари билан энг қўрқинчли дея эътироф этилган ўрмонлар рўйхатини тақдим этди.

Маст ўрмон

Дарахтлари ғалати тарзда эгилиб қолган ушбу ўрмонда ғайритабиий геомагнетик хусусият борлиги тахмин қилинади. Бундай ўрмонлар Россиянинг Рязан вилоятида, Болтиқ денгизи яқинида, шунингдек Польша ҳудудида учратиш мумкин.

Ўз жонига қасд қилувчилар ўрмони

Япониянинг Хонсю оролидаги Фудзи тоғи этагида жойлашган Аокигахара ўрмони Сан-Францискодаги «Олтин дарвоза» кўпригидан кейин энг кўп ўз жонига қасд қилинадиган жой ҳисобланади.

НУЖлар билан учрашув ўрмони

Руминиядаги Хойя-Бачу ўрмонида жуда кўпчилик номаълум учар жисмларга гувоҳ бўлгани ҳақида маълум қилган.

Бақироқ арвоҳлар ўрмони

Англиянинг Кент графлигидаги Плакли қишлоғида бақироқ ўрмон бўлиб, аҳоли узоқ йиллар давомида бу ерда арвоҳлар борлигига ишониб келган.

Қарғиш теккан ўрмон

АҚШнинг Вермонт штатида жойлашган ушбу ўрмонда кўплаб одамлар бедарак йўқолгани туфайли машҳур бўлган.

Фритаун-Фолл-Ривер қўриқхонаси

АҚШнинг Массачусетс штатида жойлашган ўрмон эса турли ғайриоддий ҳодисалар, қотилликлар, ўз жонига қасд қилиш ҳолатлари билан танилган.

Радиоактив ўрмон

Чернобил АЭС ҳалокати оқибатида дарахтлари қизил тус олган ўрмон ҳозиргача хавфлилигича қолмоқда: агар дарахтлар ёниб кетса, яна радиация тарқалиб кетиши мумкин.