Марк Цукерберг билан судлашиб, Facebook’ни қўлга киритмоқчи бўлган ва оқибатда фирибгарликда айбланган Пол Селья ўзининг Нью-Йоркдаги уйидан изсиз йўқолди, дея хабар бермоқда «Российская газета».
Пол Селья устидан суд жараёни май ойида бўлиб ўтиши керак эди. 9 март, душанба куни Сельянинг адвокати Роберт Фогг унинг йўқолганини маълум қилди. У судни кутиш давомида тақиб юриши керак бўлган электрон билагузук уйидан топилган. АҚШ Федерал маршаллар хизмати ҳодиса юзасидан изоҳ билдирганича йўқ.
Нашрнинг эслатишича, Пол Селья 2010 йилда Марк Цукербергни судга бериб, Facebook’ни биргаликда яратганликларини ва унинг 84 фоизига ҳаққи борлигини таъкидлаган эди. Бироқ судда у буни исботлай олмади, тақдим этилган ҳужжатлар эса сохта деб эътироф этилди. Ўтган йил ноябрида эса Цукерберг ҳуқуқшунослари Сельянинг адвокатларига қарши даъво берди.
Изоҳ (0)