1—3 март кунлари Ташқи иқтисодий алоқалар, инвестициялар ва савдо вазири Элёр Ғаниев раҳбарлигидаги Ўзбекистон Республикаси делегацияси Ўзбекистон ва Бирлашган Араб Амирликлари ўртасидаги савдо-иқтисодий ҳамкорлик бўйича ҳукуматлараро комиссиянинг иккинчи мажлисида қатнашиш учун Абу-Дабига ташриф буюрди, деб ёзади UzDaily.
Мажлисда ўзаро манфаатли савдо-иқтисодий алоқаларни янада кенгайтириш, жумладан товар айирбошлаш ҳажмини ошириш, Ўзбекистонда юқори технологик ишлаб чиқаришларни яратиш бўйича инвестициявий лойиҳаларни амалга ошириш, молиявий-техник ҳамкорликни кенгайтириш, транспорт ва туризм соҳасида ҳамжиҳатлик қилиш масалалари кўриб чиқилди.
БААнинг етакчи компаниялари билан жами қиймати 119,5 миллион долларга тенг инвестициявий ҳамкорлик дастурлари, молиявий ва техник ҳамкорлик лойиҳалари бўйича келишувларга эришилди.
Изоҳ (0)