Тайваннинг HTC компанияси Буюк Британиядаги расмий Twitter-аккаунтида 2015 йил 1 мартдаги тақдимотда янги HTC One намойиш этилишини тасдиқловчи тизерни эълон қилди, деб ёзади «Mail.ru».
Янги смартфоннинг нима деб номланиши аниқ эмас. У шунчаки The new HTC One дея тилга олинган.
Анча ишонарли манбага кўра, камида иккита смартфон — HTC One М9 ва HTC One М9 Plus тақдим этилиши кутилмоқда.
Турли блогларда келтирилган маълумотларга кўра, HTC флагмани тўрт ядроли Snapdragon 805 процессори, 3 Гб тезкор хотира билан жиҳозланади ва Android 5.0.2 Lollipop операцион тизимида ишлайди.
Аввалроқ смартфон 5,5 дюймли (2560×1440 пикселли) QuadHD-дисплей, 16 мегапикселли камера ва Dolby Digital 5.1 акустика тизимига эга бўлиши ҳақида хабарлар тарқалган эди.
Изоҳ (0)