Россия президенти Владимир Путин Украина раҳбари Пётр Порошенко ва Германия канцлери Ангела Меркель билан телефон суҳбати давомида Минск келишувларини амалга оширишни муҳокама қилди. Бу ҳақда Кремль матбуот хизматига таяниб, «Корреспондент.net» хабар берди.
Хусусан, ўт очишни тўхтатиш режими, низо томонларининг оғир қурол-яроғларни олиб кетиши, шунингдек Дебальцево шаҳридаги вазият билан боғлиқ масалалар кўтарилди.
«Норманд тўртлиги» давлатлари етакчилари, шунингдек, Европада хавфсизлик ва ҳамкорлик ташкилоти мониторинг миссиясининг роли бўйича фикр алмашди ва Минск келишувларини амалга ошириш мақсадида музокараларни давом эттиришга келишиб олди.
Изоҳ (0)