Актёр Тейлор Кинни билан унаштирилган таниқли америкалик қўшиқчи Леди Гага ўзининг Instagram’даги саҳифасида юрак шаклидаги улкан олмос билан безатилган унашув узуги суратини намойиш этди, деб хабар бермоқда «Segodnya.ua».
Қайд этилишича, 33 ёшли Кинни 28 ёшли хонанданинг қўлини 14 февраль куни сўраган. Шундан кейин жуфтлик Манхеттендаги Леди Гаганинг оиласига тегишли Joanne Trattoria ресторанига унаштирувни нишонлаш учун йўл олган.
Hollywood Life маълумотга кўра, Тейлор Кинни совға қилган узукнинг нархи 500 минг доллар деб тахмин қилинмоқда.