Россиядаги Coca-Cola HBC акциялари Минскда режа қабул қилинганидан сўнг 7 фоизга ўсди

Coca-Cola’нинг Россиядаги эксклюзив ботлери — Coca-Cola Hellenic Bottling Company компанияси акциялари Россия, Украина, Франция ва Германия раҳбарлари томонидан Минскдаги музокаралар чоғида Украинада ўт очишни тўхтатиш ҳақида қарор қабул қилингач, 7 фоизга ўсди, деб ёзади «РБК».

«Трейдерлар Минскдаги музокаралардан катта умид кутмаганди, бироқ бозорда бундай қарор қабул қилинганидан ёқимли ҳайрат пайдо бўлди», — деди IG таҳлилчиси Дэвид Мэдден.

Эслатиб ўтамиз, Минскда Франция, Германия, Россия ва Украина раҳбарлари иштирокида «нормандча формат»даги музокаралар 16 соат давом этди ва якунда «Минск келишувларининг бажарилиши бўйича чоралар мажмуаси» номли ҳужжат имзоланди.