АҚШ президенти Барак Обама BuzzFeed портали учун ҳазиломуз видеода суратга тушди, дея хабар бермоқда TJournal. Унда Обама уни ҳеч ким кўрмаётган вақтида нималар билан машғул бўлиши акс эттирилади.
Видео дастлаб Facebook’да эълон қилинди, бир соат ичида у 1,5 миллион марта томоша қилиниб, 60 мингта «лайк» тўплади ва 37 минг марта бўлишилди.
Унда АҚШ президенти селфи таёқ билан суратга тушади, кўзгу қаршисида «қийшангланади», дафтарга рафиқаси Мишелнинг расмини чизади ва печеньени сутга ботиришга беҳуда уринади.
BuzzFeed’нинг видеога илова қилган матнида айтилишича, лавҳа Обама томонидан қабул қилинган ObamaCare соғлиқни сақлаш ислоҳотининг марказий қисми — Healthcare.gov сайтига эътиборни жалб этиш мақсадида суратга олинган.
Изоҳ (0)