Ўзбекистонлик санъаткорларнинг ака-ука ва опа-сингилларини танийсизми?

Бугун ўзбек шоу-бизнеси вакилларининг Instagram’га жойлаган суратлари орқали уларнинг қардошлари — ака-ука ва опа-сингиллари билан таништирмоқчимиз.

Лола, Анора ва Асал Йўлдошевалар

Лоланинг катта синглиси Анора бир неча йиллар аввал радиобошловчи бўлиб фаолият юритган. Ҳозирда оилали.

Лоланинг кичик синглиси Асал эса опасининг кетма-кет иккита клипида бош ролни ўйнагач, танилди. Бироқ ундан кейин шоу-бизнесда бошқа кўриниш бермади.

Шоҳруҳхон ва Муҳаммадали Йўлдошевлар

Шоҳруҳхоннинг укаси кўпгина фильмларда суратга тушиб, танилишга улгурган.

Зиёда ва Азиза Қобиловалар

Зиёданинг синглиси Азиза опаси изидан бориб, санъат соҳасини танлади.

Муниса ва Карима Ризаевалар

Муниса Ризаеванинг синглиси ҳам опасининг ижодида иштирок этиб кўрди — унинг клипларидан бирида рол ўйнади.

Умид ва Муҳаммадали Искандаровлар

Умид актёр сифатида, Муҳаммадали эса клипмейкер сифатида кўпроқ таниқли.

Райҳон Ғаниева ва Насиба Шокирова

Райҳоннинг синглиси Насиба опасининг «Не бўлар» қўшиғига ишланган клипда кўриниш берган.

Лола, Шаҳло ва Аббос Аҳмедовлар

Лола Аҳмедованинг синглиси Шаҳло Ўзбекистондаги қўшиқ танловларидан бирида муваффақиятли иштирок этиб, танилишга улгурган.

Аббос Аҳмедов эса Лола Аҳмедованинг укаси, Шаҳлонинг акаси.

Тузатиш: Қўшиқчи Гуласал Зиёданинг синглиси деб таништирилиши билан боғлиқ хато тўғриланди. Аслида, Зиёданинг синглиси — Азиза Қобилова.