АҚШлик ака-укалар ультрабинафша нурланишдан фойдаланиб, телефонларни тозаловчи PhoneSoap қурилмасини ишлаб чиқди, дея хабар бермоқда «Mail.ru». Унга сармоядорлар қизиқиш билдириб, аллақачон 300 минг доллар инвестиция ажратди.
Қутича шаклидага гаджет ичида иккита лампа бўлиб, улар микроорганизмларни қирувчи UV-C қисқа тўлқинларини ажратади. Яратувчилар сўзларига кўра, бу смартфонга ўрнашиб оладиган бактерияларнинг 99,9 фоизини йўқотиш имконини беради. Бунинг учун смартфонни қути ичига жойлаш кифоя.
«Смартфонлар учун ванна»нинг ягона камчилиги унинг ҳажми бўлиб қолмоқда. Гап шундаки, унга узунлиги 153 миллиметрдан ошмайдиган қурилмалар сиғади, бугунги кундаги планшетофонларнинг кўпчилиги эса бу узунликдан ошиб кетган.
PhoneSoap сотувда мавжуд, бироқ у ҳозирча фақат буюртма асосида чиқарилади ва кичик ҳудудда сотилади. Уни 59,95 долларга харид қилиш мумкин.
Изоҳ (0)