Қўқонда автомобилларга газ тўлдириш шохобчасида такси хизматини кўрсатувчи Nexia автомобили портлаб кетди. Бу ҳақда 14 январь куни Facebook’даги «Водители Ташкента» гуруҳи аъзолари хабар қилган.
Келтирилган суратларда Nexia портлаш оқибатида аянчли аҳволга келиб қолгани кўриниб туради. Шунингдек, атрофдаги деворларга ҳам зарар етган. Қурбонлар йўқлиги маълум қилинган, бироқ жароҳатланганлар бор ёки йўқлигига аниқлик киритилмаган.
Фотосуратлар остига изоҳ қолдирган гуруҳ аъзолари портлаш сифатсиз газ ускунаси ўрнатилгани туфайли содир бўлганини тахмин қилган. Ҳодиса айнан қачон бўлгани ҳақида маълумот йўқ, расмий маълумот ҳам йўқ.
Изоҳ (0)