Яшил қитъада Австралия ва Қувайт терма жамоалари ўртасидаги ўйин билан Осиё Кубоги мусобақасига старт берилди. Ўйин майдон эгаларининг 4:1 ҳисобидаги ғалабаси билан якунланди, деб хабар бермоқда «Uff.uz».
Учрашувни майдон эгалари жуда фаол бошлашди. Шу билан бирга кувайтликлар ҳам қарши ҳужумларда хавфли ҳаракат қилишяпти. Ана шундай қарши ҳужумлардан бири меҳмонларнинг бурчак тўпи ишлаши билан якунланди. Бурчак тўпидан Қувайт унумли фойдаланиб, ҳисобни очишга муваффақ бўлди.
Осиё Кубогининг илк гол муаллифи − Қувайт терма жамоаси аъзоси Ҳусайн Фатҳи бўлди. Голдан кейин Австралия ҳисобни тенглаштириш учун олдинга ташланди. Ана шундай ҳужумларнинг бирини гол муаллифи Ҳусайн Фатҳи қўполлик билан тўхтатиб қолди. Учрашувни бошқариб бораётган ҳамюртимиз Равшан Эрматов Фатҳийни сариқ карточка билан огоҳлантирди.
Австралия тинимсиз ҳужумлар натижасида ҳисобни тенглаштиришга муваффақ бўлди. Гол муаллифи − Тим Кейхил. Биринчи бўлимнинг охирларига келиб мезбонлар ҳисобда олдинга чиқиб олишди. Ўнг қанотдан жарима майдончасига ташлаб берилган тўпни Массимо Луонго боши билан дарвозага аниқ йўллаб, жамоасини ҳисобда олдинга олиб чиқди.
Иккинчи бўлим ҳам «соккеруз»ларнинг ҳужумлари билан бошланди. Аммо Қувайт бу ҳужумларни қийинчилик билан бўлса ҳам бартараф қилиб турибди. Австралия термаси сардори Единак пенальтидан гол киритиб, ҳисобни 3:1 га етказди. Равшан Эрматов томонидан учрашувга қўшиб берилган вақтда Тройси 4-голни киритиб, ўйиндаги якуний ҳисоб 4:1 бўлишини таъминлади.
Шу тариқа илк ўйинда Австралия Қувайт устидан ғалаба қозониб, уч очкога эга бўлди ва эртанги ўйингача гуруҳда 1-ўринга чиқиб олди.
Осиё Кубоги. “A” гуруҳи
Австралия – Қувайт 4:1
Гол: Т.Кейхил (33), Луонго (44), Единак, (61 пен), Тройси (90+1) - Ҳусайн Фатхи, 6
Австралия: Раян, Бехич, Шпиранович, Франич, Сейнсбери, Единак, Кейхилл, Луонго, Круз, Тройси, Лекки.
Қувайт: Юссеф, Ал-Ансари, Максид, Фатҳий, Ал Хажерий, Ал Қахтони, Ал-Хенди, Султон Ал Эназий, Ал-Машаан, Нада, Зайд Ал Харби.
Изоҳ (0)