АҚШнинг Бостон шаҳридаги Нафис санъатлар музейида Массачусетс штатининг қонун чиқарувчи кенгаши биноси девори орасига қўйилган «вақт капсуласи» тантанали равишда очилди, деб хабар бермоқда ТАСС.
Оғирлиги 4,5 килограммга яқин бўлган мис қути 1795 йилда АҚШ мустақиллиги учун урушнинг икки қаҳрамони − Пол Ревир ҳамда Самуэл Адамс томонидан бино қурилиши вақтида қўйилган. Унинг ичидан 20 га яқин эски тангалар, Жорж Вашингтон сурати туширилган бронза медаль, газеталар, ҳужжатлар ва бошқа осори-атиқалар топилган.
Қайд этилишича, Америка тарихига алоқадор бу буюмлар бир муддат намойиш этилади. Кейин эса ҳозирги замон буюмлари билан тўлдирилиб, яна мис қутига жойланади ва аввалги жойига қўйилади. Ушбу қути 2014 йил декабрь ойида бинони таъмирлаётган усталар томонидан аниқлангани маълум қилинган. Бунгача ҳам 1855 йилда топилган қути яна ўз жойига қайтариб қўйилган.
Изоҳ (0)