Жанубий Корея бош вазири Чон Хон Вон Янги йил табригида Сеул ўзининг шимолдаги қўшниси билан низоларга барҳам бериш учун бор кучини ишга солишини айтди, дея хабар бермоқда Yonhap агентлиги. Ушбу баёнот КХДР етакчиси Ким Чен Иннинг Жанубий Корея президенти Пак Кин Хэ билан учрашиши учун имконият юзага келган бир пайтда янгради.
Бош вазир сўзларига кўра, ҳукумат «Кореялараро музокараларга ва ҳамкорликдаги гуллаб-яшнашга йўл очиш учун» қўлидан келганича ҳаракат қилади.
1 январь куни Ким Чен Ин байрам мурожаатида 2015 йилда Пак Кин Хэ билан учрашишга тайёр эканлигини маълум қилди. Унинг айтишича, иккала Корея муносабатларини ўзгартириш керак.
Изоҳ (0)