Facebook ижтимоий тармоғининг Ўзбекистон сегментидаги энг оммабоп саҳифалардан бири бўлган Uzbek MDK йилнинг ҳазиломуз якунларини эълон қилди. Қуйида улар билан танишишингиз мумкин.
«Йил шарҳловчиси»: Дмитрий Губерниев
Россиялик шарҳловчи Сочида бўлиб ўтган Қишки Олимпия ўйинларининг очилиш маросимида Ўзбекистон делегациясини Тожикистон деб атаган эди.
Йил жаласи
30 май куни ёққан кучли ёмғир сабабли Тошкент кўчаларини сув босган эди.
«Йилнинг энг кўп ҳафсалани пир қилган воқеаси»: Chevrolet Orlando чиқиши
2014 йилда Ўзбекистон Chevrolet Orlando автомобили ишлаб чиқарила бошланди.
«Йил навбати»
Июнь ойида Тошкент шаҳри ва бир қатор ҳудудларда шакар танқислиги кузатилиб, узун навбатлар юзага келди.
Йил ҳаками
Ўзбекистонлик ФИФА рефериси Равшан Эрматов Жаҳон чемпионатларидаги бошқарган ўйинлари сони бўйича мутлоқ рекорд ўрнатди.
Йил қайтиши
1 декабрдан Ўзбекистонда UMS мобил алоқа оператори иш бошлади.
Изоҳ (0)