Киевда Украина президенти Пётр Порошенко билан учрашув чоғида Беларусь президенти Александр Лукашенко Украина учун зарур барча нарсани қилишга ваъда берди. Бу ҳақда «Газета.ru» хабар қилди.
«Мен аввал ҳам айтганман: Беларусдан бирор нарса керак бўлса — айтинг, биз бир кеча-кундуз ичида сўраган нарсангизни муҳайё қиламиз. Жамоатчиликка маълум қиламанки, Украина президенти нимаики сўраган бўлса, қилганмиз. Бундан кейин ҳам шундай бўлади», — дея таъкидлади Лукашенко.
Бундан ташқари, Лукашенко Украинадаги жанговар ҳаракатлар тўхташини исташини қўшимча қилди.
«Мен Украинада вазият яхши бўлишини хоҳлайман. Кўпчилик буни қандайдир ўйин сифатида қабул қилади. Сиз эса бундай ўйламаслигингизни биламан. Сиз президентсиз, жонингиз ачийди. Менда ҳам шундай. Мен шундан келиб чиқиб айтаяпман», — деди Беларусь президенти.
Эслатиб ўтамиз, Беларусь президенти Александр Лукашенконинг Украина президенти Пётр Порошенко билан учрашиш учун Киевга етиб келгани 21 декабрь куни хабар қилинди.
Изоҳ (0)