Навоий вилоятида пудратчи ташкилотлар томонидан 175 километрлик электр линиялари таъмирланди, деб хабар бермоқда «Правда Востока» газетаси. Симлар ва изоляторларнинг қисман алмаштирилиши электр энергиясини узатишдаги йўқотишларни камайтириш имконини бергани қайд этилган.
Намунали уйлар қурилган ҳудудларда 16 километрлик янги ҳаво электр линиялари ўтказилиб, 19 та янги трансформатор ўрнатилди. Кармана, Навбаҳор ва Нурота туманларининг чекка ҳудудларида 42,1 километрлик электр линиялари реконструкция қилиниб, ёғоч устунлар темир-бетон таянчларга алмаштирилди, эски сим ва изоляторлар янгиланди, тўққизта трансформаторда монтаж ишлари олиб борилди.
Навбаҳор ва Хатирчи туманларида ўтказилаётган 38 километрлик электр линияси ва кучли трансформатор станцияси қурилиши тугатилгач, Навбаҳор туманидаги 4 та, Хатирчи туманидаги 8 та қишлоқда электр таъминоти яхшиланиши кўзда тутилган.
Изоҳ (0)