Ўзбекистонда 2015 йилнинг 1 январидан бошлаб учувчисиз парвоз қилувчи қурилмаларни олиб кириш, яратиш ҳамда ишлатиш ман қилинади, дея хабар бермоқда «Кун» «Газета.uz»га таяниб. Буларга бўш ҳолатида 2000 килограммдан оғир бўлмаган самолёт ҳамда шу каби учувчи қурилмалар киради.
Бу Вазирлар Маҳкамасининг 26 ноябрдаги «Ўзбекистон Республикаси ҳудудида автоматик учувчи қурилмалардан ноқонуний равишда фойдаланишнинг олдини олиш ҳақида»ги қарорида (pdf) назарда тутилган.
Бу қарор самолётлар учишидаги хафвсизликни таъминлаш ҳамда мамлакат ҳаво ҳудудидан ноқонуний фойдаланишнинг олдини олиш учун қабул қилинган.
Аҳолига мамлакатнинг ҳаво ҳудудида учувчисиз парвоз қилувчи қурилмалардан ноқонуний равишда фойдаланиш мумкин эмаслиги ҳақида тушунтириш ишлари олиб бориш режалаштирилган.
Изоҳ (0)