Ўзбекистон Республикаси Меҳнат ва аҳолини ижтимоий муҳофаза қилиш вазирлиги меҳнат билан банд бўлмаган аҳолини ишга жойлаштириш учун замонавий ахборот технологияларидан фойдаланади, деб хабар бермоқда UzDaily.
2015 йилда вазирлик меҳнат бозорида фаол чора-тадбирларни амалга оширади. Жумладан, вазирликнинг ҳудудий бўлинмалари ишсизлар, ўқув муассасалари битирувчилари ҳамда хориждан қайтиб келган муҳожирларни иш билан таъминлаш бўйича хизматлар тақдим этади.
Ушбу мақсадга эришиш учун меҳнат ва аҳолини ижтимоий муҳофаза қилиш бўйича ҳудудий органлар замонавий ахборот технологиялари ва иш излаш дастурлари, шунингдек, вазирликнинг www.mehnat.uz сайтидан фаол фойдаланади. Ҳозирда вазирлик ўз расмий сайтини янгилаш устида ишлаётгани қайд этилган.
Шунингдек, яқин орада Ягона интерактив давлат хизматлари портали my.gov.uz орқали иш излаётган фуқароларга ёрдам кўрсатила бошланади.
Вазирлик бўш иш ўринлари ярмаркаларини ташкиллаштиришда ҳам давом этади. 2015 йилда Ўзбекистоннинг барча ҳудудларида жами 1180 та бўш иш ўринлари ярмаркаси ўтказилиши режалаштирилган.
Изоҳ (0)