АҚШнинг Миссури штати губернатори Жей Никсон полициячи Даррен Уилсон жазоланиши маълум бўлгач тартибсизликлар келиб чиқиши эҳтимолидан қўрқиб фавқулодда ҳолат эълон қилди, деб хабар бермоқда Korrespondent.net.
Судланувчи Сент-Луис шаҳри яқинидаги Фергюсон шаҳарчасида 9 август куни 18 ёшли афро-амаэрикалик Майкл Браунни отиб ўлдирганликда айбланган. Унга бериладиган жазо ноябрь ойи охирида эълон қилиниши кутилмоқда.
Штат раҳбарияти Миллий гвардия бўлинмаларини сафарбарликка чақирган. Губернаторнинг сўзларига кўра, гвардиячилар федерал ва маҳаллий полицияга ёрдам бериб, ҳукм эълон қилинганда тартибсизлик келиб чиқишининг олдини олиши керак.
Эслатиб ўтамиз, 9 август куни Фергюсонда полиция ходими Даррен Уилсон 18 ёшли афро-америкалик Майкл Браунни қўлга олиш вақтида отиб ўлдиргач оммавий норозилик намойишлари бошланиб кетган эди.
Изоҳ (0)