Нидерландияда парранда гриппининг инсон учун хавф солиши мумкин бўлган штамми аниқланди. Бу ҳақда мамлакат иқтисодиёт вазирлигига таяниб, Euronews хабар бермоқда.
Паррандалар вирусли касаллиги Амстердамдан 65 километр жанубда жойлашган фермада қайд этилган. Фермадаги 150 мингта товуқ ва курка товуқнинг барчаси йўқ қилинган. Ходимлар карантин остига олинган.
Ҳукумат текшириш якунланмагунига қадар 72 соат давомида паррандачилик хўжаликлари маҳсулотларини бутун Голландия бўйлаб дўконларга етказиб беришни тўхтатиб туришни буюрди.
Кейинроқ парранда гриппи вируси Англия шимолидаги Йоркшир графлигида жойлашган ўрдак фермасида ҳам аниқланди.
Изоҳ (0)