Актёр Жорж Клуни ва адвокат Амал Клуни (қизлик фамилияси Аламуддин) ўтган дам олиш кунлари Британияда қайтадан тўй қилди, дея хабар бермоқда Hello!. Бакингемшир графлигининг жанубида бўлиб ўтган маросимда яқин дўст ва қариндошлар қатнашди.
Тадбир Амалнинг болалиги ўтган Жерардс Кросс қишлоғи яқинидаги Danesfield House Hotel and Spa беш юлдузли меҳмонхонасида ўтказилди. Маросимни унинг ота-онаси ташкил қилгани хабар берилмоқда.
Эслатиб ўтамиз, 36 ёшли Амал Аламуддин ва 53 ёшли Жорж Клуни сентябрь охирида Венецияда турмуш қурди.
Амал Оксфорд университети ва Нью-Йоркдаги ҳуқуқшунослик мактабини тугатган. 2011 йилда у WikiLeaks асосчиси Жулиан Ассанжга адвокатлик қилиб, омма эътиборига тушди.