Албания бош вазири Эди Раманинг укаси Орфи Рама Европа 2016 чемпионатига саралаш мусобақаси доирасидаги Сербия ва Албания жамоалари ўртасидаги учрашув чоғида ҳибсга олинди. Бу ҳақда Championat.com хабар берди.
Белграддаги ўйин пайтида Рама «Партизан» стадиони вип-ложасида бўлган. У Албания байроғи билан боғлиқ ҳодисага алоқадорликда гумон қилинмоқда.
Гап шундаки ушбу учрашувда майдон устида масофадан туриб бошқариладиган кичик учувчисиз самолёт пайдо бўлди. Унга ип ёрдамида Албания байроғи осиб қўйилган эди.
Сербия термаси ўйинчиси байроқни юлиб олишга уринганидан сўнг, футболчилар ва жамоаларнинг бошқа вакиллари ўртасида муштлашув юзага келди. Матч тўхтатиб қўйилди, сўнг унинг бу кеча давом эттирилмаслиги ҳақида хабар берилди.
Изоҳ (0)