CNN нашри фотожурналисти Жонатан Альпейри икки ҳафта давомида Донецкда бўлиб, айирмачилар дафн маросимидан репортаж тайёрлаш учун рухсат олишга муваффақ бўлди, деб ёзади Korrespondent.net.
Фотомухбир сўзларига кўра, унинг ишидаги энг катта қийинчиликлардан бири «ўзларининг сўнгги қўрғонини украин ҳукумати кучларидан ҳимоя қилаётган» айирмачилар билан бевосита иш олиб боришга тўғри келгани бўлди.
«Одатда айирмачилар ўз томонларидан қурбонлар сонини ошкор этмаслик мақсадида журналистларни жангчиларининг дафн маросимига қўйишмайди», — деб ёзади Альпейри.
Унинг айтишича, репортажда 18 август куни Донецк яқинидаги қишлоқда бўлиб ўтган маросим акс этган.
Бироқ рухсат берилганига қарамай, маросимдан сўнг уни ҳибсга олиб, Донецкка келтиришди ва барча кадрларни ўчиришга мажбур қилишди. «Аммо меҳмонхонага қайтганимиздан кейин расмларнинг ҳаммасини қайта тиклашга муваффақ бўлдик», — дея аниқлик киритди фотомухбир.
Изоҳ (0)