Ўзбекистон мактаблари 587 минг ўқувчини биринчи синфга қабул қилади

2014—2015-ўқув йилида 587 минг ўқувчи 1-синфга қабул қилинади, дея хабар берди Ўзбекистон Республикаси Халқ таълими вазирлиги матбуот хизмати.

Улар учун 12 номдаги ўқув қуролларидан иборат Президент совғалари тайёрланиб, умумтаълим мактабларига етказилди. Мазкур совғалар «Билимлар куни» тадбирларида тантанали топширилади.

Таъкидлаш жоиз, халқ таълими тизимида жами 15 708 та таълим муассасалари, жумладан 9739 та мактаб, 4950 та мактабгача таълим муассасалари, 211 та «Баркамол авлод» болалар марказлари, 278 та мусиқа ва санъат мактаблари, 483 та болалар ва ўсмирлар спорт мактаблари, 23 та меҳрибонлик уйлари, 16 та педагог кадрларни қайта тайёрлаш ва малакасини ошириш институтлари, 4 та педагогика институтлари фаолият кўрсатмоқда.

2014 йилда инвестиция дастури доирасида республика бўйича 381 та мактабда қурилиш-таъмирлаш ишлари амалга оширилди, шундан 220 таси реконструкция қилинди, 161 таси капитал таъмирланди. Ушбу мақсадларга жами 282 миллиард сўм маблағлар ажратилди.

Янги ўқув йили учун 605 номдаги 34,5 миллион нусха дарсликлар ва ўқув-методик қўлланмалар чоп эттирилиб жойларга етказилди.

Мактабгача таълимга қамраб олинмаган болаларнинг ота-оналари учун «Болажон» таянч дастури асосида 5 номдаги («Нутқ ўстириш, ўқиш ва саводга тайёрлаш», «Математик тасаввурларни шакллантириш», 2 қисмли «Бадиий асарлар тўплами», «Соғлом танда – соғ ақл») қўлланмалар яратилди