Бухорода э-спорт бўйича Ўзбекистон чемпионати минтақавий саралаш босқичи бўлиб ўтди

16—17 август кунлари Бухорода э-спорт бўйича Zo‘r-Zo‘r UCG 2014 Ўзбекистон чемпионатининг минтақавий саралаш турнирлари бўлиб ўтди. DotA All Stars ва FIFА14 ўйинлари бўйича мусобақалар натижаларига кўра миллий финал иштирокчилари аниқланди. Бу ҳақда Infocom.uz хабар берди.

16 август куни DotA All Stars жамоавий ўйини бўйича мусобақа бўлиб ўтди. Унда қатнашиш учун жами 22 та жамоа рўйхатдан ўтди.

1-ўрин учун «Билайн» диплом ва совринларига Атоев Амир, Саломов Бобур, Жалолов Мирали, Ҳидоятов Ғафур ва Элов Шерзоддан иборат Allstars гуруҳи лойиқ деб топилди. 2-ўринни Тоо Easy жамоаси, 3-ўринни ТоpWаr жамоаси эгаллади.

Allstars жамоаси 20 сентябрь куни Тошкентда бўлиб ўтадиган DotA All Stars ўйини бўйича миллий финалда иштирок этиш ҳуқуқига эга бўлди.

17 август куни эса Бухорода яна бир ўйин — FIFA14 бўйича мусобақа бўлиб ўтди, унда 26 нафар э-спортчи қатнашди.

1-ўрин учун «Билайн» диплом ва совринига Насруллоев Бобуршоҳ эга бўлди. 2- ва 3-ўринларни Тураев Акобир ва Ашрапов Тимур эгаллади.

Насруллоев Бобуршоҳ 26 сентябрь куни Тошкентда ICTExpo 2014 Халқаро кўргазмаси доирасида ўтказиладиган миллий финалга йўлланма олди.

FIFA14 бўйича Ўзбекистон чемпиони эса Францияда бўлиб ўтадиган ESWC2014 жаҳон кубоги финалида қатнашиш ҳуқуқига эга бўлади.

Кейинги минтақавий саралаш босқичи 23—24 август кунлари Самарқандда ўтказилади.