Motorola компанияси 4 сентябрь куни Чикагода бўлиб ўтадиган тадбирига таклиф қилишни бошлади. Бу ҳақда Phonearena.com сайти маълумотига асосланиб «Пароль» нашри хабар берди.
Таклифномада тўртта гаджет тасвирланган. Компания 4 сентябрь куни нимани тақдим этишини ошкор қилмаган бўлса-да, таклифнома суратидан буни тахмин қилиш мумкин. Суратда кўринганидек, биринчи гаджет Moto X+1 смартфони бўлади, иккинчиси эса Moto 360 ақлли соати. Шунингдек, Moto G2 смартфони ва Bluetooth ёрдамида ишлаши мумкин бўлган қулоқчин ҳам тақдим этилиши мумкин.
Миш-мишларга кўра, Moto X+1 смартфони 4 сентябрда тақдим этилса, 25 сентябрдан бошлаб сотувга чиқади.
Эслатиб ўтамиз, 3 сентябрь куни Samsung Galaxy Note 4 ва Sony Xperia Z3 смартфонларининг ҳам тақдимоти бўлиб ўтиши кутилмоқда. 4- сентябрда эса Microsoft компанияси Nokia Lumia 730 дея номланиши тахмин қилинаётган «селфи телефони»ни тақдим этади. 9 сентябрь куни Apple ҳам катта тадбир режалаштирган, унда янги iPhone тақдим этилишига кўпчилик умид қилмоқда.
Изоҳ (0)