10 июль куни Санкт-Петербург шаҳрида «Оқ тунлар» («Белые ночи») халқаро мусиқа фестивали бўлиб ўтди. Унда Наргиз Зокирова Россия номидан иштирок этди ва ғолиб бўлди.
Super.ru хабар беришича, танловда беш қитъанинг 12 мамлакатидан келган қатнашчилар ўзаро беллашди. Саҳнага оддий иштирокчилар билан бирга, дунё даражасидаги супер юлдузлар ҳам кўтарилди.
Наргиз Зокированинг Facebook’даги саҳифасида унинг мухлислари хонандани ушбу танлов Гран-Присини қўлга киритгани учун табриклаб хабарлар қолдира бошлади. Кеча, 12 июль куни хонанданинг ўзи ҳам пост ёзиб, «Оқ тунлар» Гран-Присини ютиб олганини тасдиқлади.
Эслатиб ўтамиз, Ўзбекистонда туғилиб, ҳозирда АҚШда истиқомат қилаётган Наргиз Зокирова Россиянинг «Голос» телешоусидаги иштирокидан кейин мусиқа мухлислари орасида машҳурликка эришган эди.
Изоҳ (0)