Исроил ўз-ўзини мудофаа қилиш кучлари ҲАМАС гуруҳи жангариларига қарши «Ҳимоя чизиғи» операцияси ўтказилишини эълон қилди, дея хабар беради «Кун» Gazeta.ru маълумотига таяниб.
Қайд этишларича, ушбу операциядан кўзланган мақсад —«ҳар куни ҲАМАС жангарилари томонидан террорга тортилаётган» Исроил фуқаролари хавфсизлигини таъминлашдан иборат.
Аввалроқ, Исроил ўз-ўзини мудофаа қилиш кучлари Ғазо секторидаги вазиятнинг кескинлашуви муносабати билан захирадаги юзлаб ҳарбийларни хизматга қайта чақиришини эълон қилганди.
Маълумот учун, 7 июль, душанба куни фаластинлик жангарилар томонидан Исроилнинг жанубий ҳудудлари томон бир вақтнинг ўзида камида 20 та ракета учирилган.
Аввалроқ, ҲАМАС ҳаракати Исроил авиациясининг навбатдаги ҳаво ҳужуми натижасида олти нафар жангариси ҳалок бўлгани, бунинг учун «қасос олиниши»ни эълон қилган.
Изоҳ (0)