Афғонистоннинг собиқ ташқи ишлар вазири Абдулло Абдулло президентлик сайловларининг иккинчи босқичида ғалаба қозонганини эълон қилди, дея хабар беради ИТАР-ТАСС AFP агентлиги ахборотига асосланиб.
Қобул кўчаларига чиққан Абдулло Абдуллонинг минглаб тарафдорлари иккинчи босқич натижаларидан норози эканлигини билдирмоқда. Собиқ ташқи ишлар вазирининг ўзи эса президент Ҳамид Карзайни Аҳмадзай фойдасига натижаларни ўзгартирганликда айблаб, буни «ҳукуматни эгаллаб олиш» деб атади.
7 июль куни Афғонистоннинг Мустақил танлов комиссияси эълон қилган дастлабки натижаларга кўра, Абдулло Абдулло 43,56 фоиз овоз тўплади; Ашраф Ғани Аҳмадзай эса 56,44 фоиз овоз билан ғолиб бўлди.
Сўнгги, ҳал қилувчи натижалар 22 июль куни эълон қилиниши, янги президентнинг инаугурацияси эса 2 август куни ўтказилиши режалаштирмоқда.
Эслатиб ўтамиз, Афғонистонда президентлик сайловларининг иккинчи тури 14 июнь куни якунига етди.
Абдулло Абдулло иккинчи босқич якунланиши биланоқ овоз бериш натижаларини тан олмаслигини, Мустақил танлов комиссиясининг барча ҳаракатлари ноқонуний эканлигини айтган. У танлов вақтида бир неча қоидаларнинг бузилгани ва Аҳмадзай танлов комиссияси томонидан қўллаб-қувватлангани учун норозилик билдирди.
Изоҳ (0)