Франциянинг собиқ президенти Николя Саркози француз полициясининг Нантер шаҳридаги коррупцияга қарши кураш бўлими томонидан ҳибсга олинди. Бундай ҳолат — Франция президентининг ҳибсга олиниши мамлакат тарихида илк бор кузатилмоқда, деб хабар берди ИТАР-ТАСС.
Ҳозирда Саркози ўз мақсадларига эришиш учун мансабдор шахсга таъсир ўтказишда айбланмоқда. Агар айби тасдиқланса, унга 3 йиллик қамоқ жазоси ҳамда 375 000 евро жарима белгиланади.
Муаммар Қаддафий 2011 йил Саркозининг 2007 йилги сайловолди кампаниясини молиялаштиргани ҳақида интервью берган. 2014 йил бошида мазкур видеолавҳа France 3 телеканалида намойиш этилгач, Саркозига қарши иш қўзғатилди.
Муаммар Қаддафийнинг ўғли Сейф ал-Ислам Қаддафий молиялаштириш ҳақиқатан ҳам Ливия томонидан амалга оширилганини тасдиқлади. У банк ҳисоб рақамларини очиш, пул ўтказишга доир барча ҳужжатларни далил сифатида тақдим этиши мумкинлигини таъкидлаб ўтган.
Мазкур ишюзасидан собиқ президентнинг телефони кузатилганида унга дахлдор бошқа маълумотлар ҳам топилди.
Сайловолди кампаниясини ташкиллаштиришда миллиардер Лиллиан Бетанкурнинг ёрдами ҳам борлиги гумон қилинган эди. Маълум бўлишича, собиқ президент бу иш юзасидан шуғулланган судья билан телефон орқали боғланган. У ўзининг айбсизлиги эълон қилиниши эвазига судьяга Монакода юқори лавозим таклиф қилган.
Изоҳ (0)