Путин интернетда эркинликни чеклашга қарши сўзлади

10 июнь куни Москвада Россия президенти Владимир Путин Россияда Интернет-тадбиркорлик Форуми доирасида интернет-жамоатчилик билан учрашди. Бу ҳақда Mail.ru хабар берди.

Путин интернет-тадбиркорликнинг сердаромад ишга айланганини таъкидлаб, фуқароларнинг интернетдаги эркинликларини чекламаслик кераклигини айтди.

Унинг фикрича, интернет чекловларсиз ишлай олмайди, бироқ чекловлар ҳақиқий ҳаётдагидек бўлиши керак. «Масалан, террорчиликка қарши таъсир каби, — деди у. — Бунда фуқаролар эркинликларини чеклаш керак эмас».