Чехиянинг Va Tech WABAG S.r.o компанияси 2015 йилда Фарғона нефтни қайта ишлаш заводида тозалаш иншоотларини реконструкция қилади. Лойиҳа қиймати 16 миллион доларга тенг, дея хабар берди Gazeta.uz.
«Ўзнефтмаҳсулот» компаниясининг маълум қилишича, Чехия компанияси ўтган йили эълон қилинган тендерни ютиб олган. Танлов шартларига кўра, ғолиб йилига 16 миллион кубометр қувватга эга тозалаш иншоотлари учун муҳандисликни ва асбоб-ускуналар етказиб беришни амалга оширади.
Лойиҳа амалга оширилиши натижасида оқова сувлардаги нефт маҳсулотлари ҳажми бир литрга 1 миллиграмм нисбатда сақланиб туради. Лойиҳа бир йилга мўлжалланган.
Изоҳ (0)