Ўзбекистонда мавжуд радиочастоталардан фойдаланган ҳолда Super Imax (EVO) компанияси томонидан тўртинчи авлод телекоммуникация технологиялари жорий этилиши учун 26,4 миллиард сўм ажратилади. Бу ҳақда Anhor.uz хабар бермоқда.
Ушбу ишларни амалга ошириш учун компаниянинг ўзи ҳамда Ўзбекистон Алоқа, ахборотлаштириш ва телекоммуникация технологиялари давлат қўмитаси масъул этиб белгиланган.
«Кун»нинг ёзишича, тўртинчи авлод телекоммуникация технологияларини жорий этиш бўйича ишлар 2014 йил декабргача якунланиши керак.
Бу Вазирлар Маҳкамасининг 2014 йил 28 майда қабул қилинган «Минтақавий аҳамиятдаги паст рентабелли, зарар кўриб ишлаётган ва иқтисодий ночор корхоналарни молиявий соғломлаштириш – «йўл харитаси» дастурларини амалга оширишга доир чора-тадбирлар тўғрисида»ги қарорида кўзда тутилган.
Изоҳ (0)